موضوع: شكلك كده تايه فى التنسيق الأحد يوليو 19, 2009 4:36 am
لو كنت تايه ومجموعك جايب حاسبات وكان نفسك فى هندسة والحوارات الكتيرة دى وفى دماغك اسئلة كتيرة وعايز تعرف ايه هى حاسبات ومعلومات ايه اقسامها ياترى هادخلها ولا لا هتليق على ولا لا ادخل بس واطمن واكتب هنا اى استفسار انت عايزه وان شاء الله هتلاقى الاجابة
أحمد على فرج
المساهمات : 3 تاريخ التسجيل : 05/08/2009
موضوع: رد: شكلك كده تايه فى التنسيق الأربعاء أغسطس 05, 2009 4:50 am
يا جماعه أنا مستجد فى حاسبات ومعلومات حلوان وعاوز آخد فكره عشان أنا قلقانمن الكلام اللى كلكم عارفينه أرجو الرد السريع
Admin Admin
المساهمات : 36 تاريخ التسجيل : 06/10/2008
موضوع: رد: شكلك كده تايه فى التنسيق الجمعة أغسطس 07, 2009 1:04 pm
معلش يا بو حميد اخرت عليك فى الرد
مرحبا بيك فى حاسبات ومعلومات حلوان دخلت برجليك وماحدش سمى عليك اول حاجة ماتقلقش من اى حاجة انت دخلت كلية من القلائل فى مصر ا
واى حد يتمنى يدخلها
انا مش عارف انت عايز تعرف ايه بالظبط بس هاقولك الاسئلة اللى كانت محيرانا واحنا زيك
اولا نظام الدراسة اربع سنين والتخصص من سنة تالتة فى المجالات الاتية
cs : computer science
وده احسن قسم للناس الغاوية برمجة وهاتشتغل فى المجال
it : information technology
قسم جامد
is : information system
قسم لذيذ
وعلى اخر سنة تانية انت من نفسك هاتكون قدرت تختار القسم اللى انت عايزه من المواد اللى هاتدرسها فى اولى وتانية
بالنسبة لحوار الساعات المعتمدة
انت فى الكلية بالمختصر المفيد ليك 3 انذارت فى الكلية كل انذار فى ترم
لو وصلت للانذار التالت فصل من الكلية وده ماتحاولش توصله
لو اخدت مثلا انذارين ومستواك رفع فى الترم التالت يتلغى الانذارين الاولين وهكذا
والدنيا هاتمشى معاك لوحديه وماتفكرش فى الموضوع ده
المحاضرة والسيكشن
الدفعة كلها بتتقسم على حوالى 10 سكاشن بالترتيب الابجدى
المحاضرة كل السكاشن بتحضرها فى المدرجات خارج الكلية وبتكون شرح فقط نظرى
اغلب محاضراتنا بتبقى فى المدرجات دى
9ب 18ط 17ب 17ج
السيكشن بيبقى فى المعامل جوة الكلية وبتحضر مع السكشن الخاص بيك بس
اما بالنسبة للشغل هاتشتغل ان شاء الله قبل ما تتخرج
اتمنى اكون افدتك ولو عايز تسال عن حاجة معينة قول ولا يهمك
أحمد على فرج
المساهمات : 3 تاريخ التسجيل : 05/08/2009
موضوع: رد: شكلك كده تايه فى التنسيق الأربعاء أغسطس 12, 2009 12:50 am
شكرا جزيلا على المعلومات الغاليه دى بس كنت عاوز آخد فكره عن انطباعات المحاضرين وهل حقيقى ما يقال عن صعوبة جامعة حلوان من الناحيه الدراسيه مع العلم انى من المنصوره المشهود لها بالصعوبه الفائقه وتنسيقى كان ممكن يرمينى فى الاسماعليه والزقازيق واسيوط والمنيا وكان ممكن احول للمنصوره لكن انا فضلت جامعة حلوان ويااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا رب ماندمش على القرار ده
Admin Admin
المساهمات : 36 تاريخ التسجيل : 06/10/2008
موضوع: رد: شكلك كده تايه فى التنسيق الأحد أغسطس 16, 2009 5:14 am
لا يا ابو حميد ان شاء الله مش هاتندم على قرارك كلية حاسبات حلوان اقوى حاسبات فى مصر بالنسبة للمحاضرين هم بعضهم كويس والبعض صعب شوية بس عنده المعلومة وممتاز جدا ومحتاج اللى يفهمه ويركزمعاه
بس خد الكلية جد وبلاش استهتار لانك ممكن تحس ان الموضوع سهل اوى
وربنا يوفقكم جميعا
أحمد على فرج
المساهمات : 3 تاريخ التسجيل : 05/08/2009
موضوع: رد: شكلك كده تايه فى التنسيق السبت سبتمبر 19, 2009 6:28 am
شكرا ليك يا بشمهندس...... بالنسبه للقسم الجديد اللى ف حاسبات حبولن اللى هو هندسة البرمجيات اللى لسه مفتوح السنه دى عاوز رأيكم فيه عشان انا محتار جدا ف الموضوع ده ....وشكرا
رنوووش
المساهمات : 1 تاريخ التسجيل : 24/03/2010
موضوع: رد: شكلك كده تايه فى التنسيق الأربعاء مارس 24, 2010 6:21 am
معلش انا هزعجك شويه بس والله عاوزه اجابه ضروري انا لسه في ثانويه عامه اخر سنه ونفسي اتدخل حاسبات ومعلومات بس في ناس حطموني <<<علشان انا ادبي فانا بس عاوزه اعرف هي الكليه عندكوا مش بتقبل غير علمي بس وعلى فكره انا عايشه في السعوديه وبدرس هناك
موضوع: شكلك كده تايه فى التنسيق 
الأحد يوليو 19, 2009 4:36 am
<<<علشان انا ادبي
